मंसिर तीस गते हुने निर्वाचनका लागि चुनाव प्रचारप्रसार तिब्र

शिवु खनाल
देउखुरी, २८ मंसिर
सुरुमा सर्वसम्मत नेतृत्व चयन गर्ने प्रयास गरिए पनि सहमति हुन नसकेपछि साधारण नमूना माध्यामिक विद्यालय सालभौरीको नयाँ नेतृत्वको लागि यही मंसिर तीस गते निर्वाचन हुदैछ । यस विद्यालयमा दोस्रोपटक निर्वाचनको माध्यमबाट नयाँ नेतृत्व चयन हुने भएको हो । मतदाता आकर्षित गर्न उम्मेदवारसँगै पार्टीहरुले आफ्ना गतिविधि बढाएका छन् ।

टोल भेला, घरदैलो, गाउँ भेलासँगै उमेदवारहरु अभिभावकको घरमै पुगरे मत माग्ने क्रम बढेको छ । घोषणपत्र लिएर आ–आफ्ना उम्मेदवार जिताउ अभियानमा यतिबेला सक्रिय बनेका छन् ।
नयाँ नेतृत्वको लागि गठबन्धनको तर्फबाट सदस्य पदका लागि सुरेश चौधरीले मनोनयन दर्ता गराउनु भएको हो । त्यसैगरी पुष्पा भण्डारी, मान्ति कुमारी यादव र धनविर चौधरीले मनोनयन दर्ता गराउनु भएको हो । चुनाव चिन्ह लिएर मतदातको घरघरमा भोट माग्दै चुनाव प्रचारप्रसारमा जुटेको उम्मेदवार सुरेश चौधरीले जानकारी दिनुभयो । त्यसैगरी एमालेको तर्फबाट पनि साधारण नमूना माध्मिक विद्यालय सालभौरीको नयाँ नेतृत्वको लागि विश्राम अहिरले सदस्य पदका लागि मनोनयन दर्ता गराउनु भएको हो । उहाँसंगै मिना भण्डारी, मनिषा चौधरी, धनश्याम चौधरीले मनोनयन दर्ता गराउनु भएको छ ।

अहिले चुनाव चिन्ह लिएर प्रचारप्रसारमा जुटेको उम्मेदवार धनश्याम चौधरीले जानकारी दिनुभयो । यस्तै राष्ट्रिय जनमोर्चाका टेकबहादुर बुढा र स्वतन्त्रका भुपाल वलिले चुनाव चिन्ह लिएर भोट माग्दै चुनाव प्रचारप्रसारमा होमिनु भएको छ ।

मंसिर तीस गते हुने निर्वाचनबाट साधारण नमूना माध्यामिक विद्यालय सालभौरीको नयाँ नेतृत्वको लागि ६सय ३३जना मतदाताले मतदान गर्ने छन् । मतदान मंसिर तीस गते शनिवार विहान आठ बजेदेखि बेलुकी चार बजेसम्म हुनेछ ।।