करन चम्किएपछि नेदरल्याण्ड्सविरुद्ध नेपालको रोमाञ्चक जित

काठमाडौंः ओमानमा जारी पाँच राष्ट्र सम्मिलित टी–२० सिरिज अन्तर्गत नेदरल्याण्ड्स विरुद्धको खेलमा नेपाल ४ विकेटले विजयी भएको छ । करन ब्याटिङ–बलिङ केसी चम्किँदा नेपालले ४ विकेटले विजयी भएको छ ।

नेदरल्याण्ड्सले दिएको १३४ रनको लक्ष्य पछ्याएको नेपालले १९.५ ओभरमा ६ विकेट गुमाएर पूरा गयो ।

अन्तिम ओभरमा नेपाललाई १७ रन चाहिएको थियो । यो ओभरको पहिलो बलमै करन केसीले छक्का प्रहार गरे ।

दोस्रो बलमा डट, तेस्रो बलमा उनले चौका हिर्काए । करनले चौथो बलमा पुनः छक्का प्रहार गरे । र, अन्तिम बलमा उनले सिंगल रन लिँदै नेपाललाई एक बल अगावै जित दिलाए ।

करनले ३ छक्का र १ चौकाको मद्दतमा १४ बलमा नटआउट ३१ रनको योगदान दिए । यस्तै कप्तान पारस खड्काले ३३, विनोद भण्डारीले २६, दिपेन्द्रसिंह ऐरीले ८, पवन सराफले ९, साेमपाल कामीले अविजित ३ र आरिफ शेखले २ रन बनाए ।

बलिङमा नेदरल्याण्ड्सका रिलोफले २, ब्रान्डन ग्लोभर, पल भ्यान मेकिरेन र फ्रेड क्लासेनले एक–एक विकेट लिए ।

यसअघि टस हारेर ब्याटिङको मौका पाएको नेदरल्याण्ड्सले निर्धारित २० ओभरमा सबै विकेट गुमाएर १३३ रन बनायो ।

उसका लागि म्याक्स उडले ४३, कोलिन एर्कम्यानले २९, एन्टोनियस स्टालले २१, स्कट एडवर्ड्सले १६ रन बनाए । अन्य खेलाडीले भने दोहोरो अंकमा रन जोड्न सकेनन् ।

बलिङमा हङकङविरुद्ध पनि ४ विकेट लिएका करनले आज पनि ४ विकेट लिन सफल भए ।

उनले नेदरल्याण्डविरुद्ध ३.३ ओभरमा ४ विकेट लिएर १७ रन मात्र दिए ।

यस्तै, हङकङविरुद्ध विकेटबिहीन रहेका सन्दीप लामिछानले ४ ओभरमा २० रन दिएर महत्वपूर्ण ४ विकेट लिए । ललित नारायणराजवंशीको नाममा १ विकेट रह्यो ।

भर्खरै प्रकाशित

घुम्न जाउ प्यारीकोट

नारायण बिबश    दाङमा धेरै प्राकृतिक सम्पदा भए पनि कतिपय सम्पदाहरू प्रचार प्रसारको अभावमा ओझेलमा परेकाछन् । यस्तै ओझेलमा परेको प्राकृतिक सम्पदा हो प्यारीकोट ।…

विद्यार्थीहरुले कक्षा १२ को परिक्षा घरबाटै दिन पाउने

काठमाण्डौ, १३ साउन । कक्षा १२ को परीक्षा होम सेन्टरबाटै हुने भएको छ । कोरोना भाइरसको संक्रमणको जोखिमलाई ख्याल गरेर यस पटक होमसेन्टरबाटै परीक्षा लिने…

सांसद पदमा पुनर्बहालीको माग गर्दै चार पूर्वमाओवादी नेताद्वारा सर्वोच्चमा रिट…

काठमाडौं । नेकपा माओवादी केन्द्रबाट एमाले प्रवेश गरेका चार नेताले सांसद पदमा पुनर्बहालीको माग गर्दै सर्वोच्च अदालतमा रिट दायर गरेका छन् । नेताहरु टोपबहादुर रायमाझी,…

किसानहरुलाई ५० प्रतिशत अनुदानमा मिनीपावर टिलर र कम्बाईङ्ग मिल

दिप्तीशिखा चौधरी दंगीशरण, १३-साउन । दंगीशरण गाउँपालिकाको कृषिशाखाले दंगीशरणका सहकारी , कृषि समुह र फर्महरुलाई मिनीपावर टिलर र कुटानी पिसानीमिलका लागि (कम्बाईङ्गमिल) वितरण गरेको छ…

जसपाको हेडकाउन्टः यादव पक्ष ३४, ठाकुर पक्ष १६, तटस्थ १

काठमाडौं, ११ साउन । जनता समाजवादी पार्टीको विवादमा निर्वाचन आयोगले कार्यकारिणी समितिका सदस्यहरुलाई सनाखतका लागि बोलाएकोमा अध्यक्ष उपेन्द्र यादव पक्षमा ३४ जना पुगेका छन् ।…