तुलसीपुर उवासंघमा पनि नेकपा एक ढिक्का, बस्नेतले लिए अग्रसरता

चेतना अनलाइन

तुलसीपुर, २३ माघ । दाङ जिल्ला उद्योग वाणिज्य संघमा एक ढिक्का भएर निर्वाचनमा होमिएको नेपाल कम्युनिष्ट पार्टी (नेकपा) तुलसीपुर उद्योग वाणिज्य संघमा पनि एक भएर जाने भएको छ ।

केन्द्र देखि जिल्ला हुँदै गाउँ तहसम्म विभाजित भइरहेको नेकपा दाङका दुई ओटा उद्योग वाणिज्य संघको निर्वाचनमा भने एक ढिक्का देखिएको छ । दाङ उवासंघ जस्तै तुलसीपुर उवासंघमा पनि एक ढिक्का भएर साझा उम्मेदवार घोषणा गरिएको छ ।

 

दाङ जिल्ला उद्योग वाणिज्य संघमा नेकपालाई एक बनाउन सफल हुनुभएका पार्टी जिल्ला सचिवालय सदस्य एवम् उद्योग विभाग प्रमुख गेहेन्द्र बस्नेतले तुलसीपुरमा पनि विशेष भूमिका निर्वाह गर्नुभएको छ । उहाँ अहिले नेकपाको घोराही उपमहानगर संगठन कमिटीको अध्यक्ष समेत रहनुभएको छ ।

बस्नेतले नेकपाका दुबै पक्षलाई विश्वासमा लिएर व्यवसायीहरुलाई एक बनाउन सफल हुनुभएको हो । ‘म सधै सहमति र सहकार्यको पक्षमा हुन्छु, मेरो चरित्र नै साझा प्रकृति हो, म निषेधको राजनीतिमा विश्वास गर्दैन,’ बस्नेतले भन्नुभयो, ‘हामीले सकेसम्म नेपाली कांग्रेसँग पनि सहमति गरेर सर्वसम्मत नेतृत्व चयन गर्न खोजेका थियौं ।’

यस्ता सामाजिक तथा व्यवसायीक संस्थाहरुमा सर्वसम्मत नेतृत्व चयन गर्नु नै उपर्युक्त हुने बस्नेतको भनाई छ ।
तुलसीपुर उवासंघको निर्वाचनमा नेकपा सम्बद्ध व्यवसायीहरुको विजय हासिलका लागि माननीय हिराचन्द्र केसीको संयोजकत्वमा विशेष निर्देशन समिति गठन गरिएको छ । समितिको सदस्यहरुमा तुलसीपुरका मेयर घनश्याम पाण्डेय, विनोद शर्मा, मेघराज भुसाल, खगेन्द्र पोख्रेल, टोपबहादुर घर्ति लगायत हुनुहुन्छ ।

प्रचारप्रसार समितिको संयोजकमा नारायण खनाल, कार्यलय व्यवस्थापन प्रमुखमा दरिभान डाँगी, आर्थिक व्यवस्थापन समितिमा मिनराज वलीलाई जिम्मेवारी दिइएको छ ।

नेपाल कम्युनिष्ट पार्टी नेकपाले तुलसीपुर उद्योग बाणिज्य संघको अध्यक्षमा रामप्रसाद चालिसेलाई उम्मेदवार बनाउने घोषणा गरेको छ । उहाँ उद्योग बाणिज्य संघको वर्तमान बरिष्ठ उपाध्यक्ष हुनुहुन्छ । नेकपाको नेतृत्व दुई समुहमा विभाजन भएता पनि कम्युनिष्ट विचारधारका व्यापारीहरु उद्योग बाणिज्य संघको आगामी नेतृत्वका लागी एकढिक्का हुदै चालिसेलाई उम्मेदवार बनाउने निर्णय गरेको हो ।

यस्तै संघको बरिष्ठ उपाध्यक्ष रुप बहादुर खत्री , बाणिज्य उपाध्यक्षमा मिनराज भण्डारी , उद्योग उपाध्यक्षमा यज्ञ बहादुर केसी, महासचिवमा नरेसराज भण्डारी,कोषाध्यक्षमा पवित्रा केसी, सचिवमा वेद प्रसाद वली, सहकोषाध्यक्षमा टेक प्रसाद केसी, सदस्यहरुमा सेषकान्त ढकाल, दुर्गा भुसाल, गोपि चौधरी, कमल डाँगी, नविन राई, चक्र प्रसाद नेपाली, निर्मल पौडेल, महिला सदस्यमा निर्मला भुसाल, गंगावली खड्कालाई उम्मेदवार बनाउने घोषणा गरिएको हो ।

निर्वाचत मिति नजिकिए संगै नेकपाले उम्मेदवारहरुको नामावली टुङग्यो लगाएको हो । उद्योग बाणिज्य संघको आगामी नेतृत्वका लागी आउदो फागुन १ गते निर्वाचन हुने भएको छ ।

नेपाली कांग्रेस निटक प्रजातान्त्रिक उद्योग वाणिज्य संघले भने पूर्व अध्यक्ष हिमाल बस्नेत ‘टेकन’ लाई उठाउने निर्णय गरेको छ ।

भर्खरै प्रकाशित

एएनपि अवार्डद्वारा दाङका युवा व्यवसायी शर्मा सम्मानित हुँदै

दाङ, २६ असोज । नेपालकै चर्चित एएनपि राष्ट्रिय अवार्ड २०२१बाट दाङका सफल युवा व्यवसायी रुद्र शर्मा सम्मानित हुनुहुने भएको छ । आउँदो कार्तिक १५ गते…

घाेराहीकाे बाहुनडाँडामा खुल्याे सुविधासम्पन्न सम्राट रिसाेर्ट

राप्ती प्रेस घाेराही, २६ असाेज । दाङकाे घाेराही उपमहानगरपालिका वडा नं १६ स्थित बाहुनडाँडामा सुविधासम्पन्न सम्राट फ्याम्ली रिसाेर्ट खुलेकाे छ । ल्याण्डफिल साइडबाट हेलाे टावर…

गीतकार प्रियासनलाई उत्सर्ग सिर्जना पुरस्कार

राप्ती प्रेस घाेराही, २५ असोज । उत्सर्ग फिल्मस् नेपालले संचारकर्मी एवं गीतकार सबिन प्रियासनलाई उत्सर्ग सिर्जना पुरस्कार प्रदान गर्ने भएको छ । कला, संचार एवं…

पाँच स्वर्गीय स्रष्टालाई मरणोपरान्त सम्मान गरिने

राप्ती प्रेस घाेराही, २४ असोज । नेपाली गीतसंगीतको उन्नयन तथा राप्ती क्षेत्रका स्रष्टाहरु सम्मान गर्ने उद्देश्यले २०७८ मंसीर ११ गते दाङमा आयोजना गरिएको उत्सर्ग संगीत…

उत्सर्ग संगीत अवार्डको मूल समिति र उपसमितिहरु गठन

राप्ती प्रेस १० असोज, दाङ । राप्ती क्षेत्रको सांगीतिक उन्नयन तथा स्रष्टाहरुको सम्मान गर्ने उद्देश्यले दाङमा पहिलोपटक आयोजना गरिएको उत्सर्ग म्यूजिक अवार्ड-२०७८ को मूल समिति…