कोरोनाबाट पूर्वगाविस अध्यक्षको मृत्यु

चेतना अनलाइन

कोरोना संक्रमणका कारण मोरङमा सशस्त्र प्रहरी निरीक्षक र तत्कालीन पथरी गाविस अध्यक्षको मृत्यु भएको छ ।

सशस्त्र प्रहरी बल नम्बर ३ गण हेडक्वाटर कंकालिनीमा कार्यरत सशस्त्र प्रहरी निरीक्षक ९इन्सपेक्टर० ३३ वर्षीय नवीन बुढाथोकीको विराट मेडिकल कलेजमा मृत्यु भएको हो ।

 

विराट मेडिकल कलेजमै मोरङको साबिक पथरी गाउँविकास समिति ९गाविस० अध्यक्ष ६६ वर्षीय तिलक वान्तवा राईको पनि मृत्यु भएको छ । उनी फुटबल खेलाडी दीपक राईका बुबा हुन् ।

अस्पतालका आइसोलेसन प्रमुख सुनिल देवका अनुसार राईको मंगलबार बिहान ४ः३० बजेतिर र प्रहरी निरीक्षक बुढाथोकीको सोमबार राति करिब ११ः२० बजे मृत्यु भएको हो ।

१० वटा रेम्डिसिभिर, दुई पटक प्लाज्मा

देवका अनुसार अवस्था गम्भीर बन्दै गएपछि सशस्त्र प्रहरी निरीक्षक बुढाथोकीको भेन्टिलेटरमा उपचार भइरहेको थियो । गत भदौयता मोरङमा कार्यरत बुढाथोकीको घर तेह्रथुमको म्याङ्लुङ् हो ।

ब्याडमिन्टन खेल्दाखेल्दै एक्कासी श्वासप्रश्वासमा समस्या भएपछि २६ कात्तिकमा विराट शिक्षण अस्पताल भर्ना भएका थिए । पीसीआर परीक्षण गराउँदा भोलिपल्ट अर्थात २७ गते रिपोर्ट पोजेटिभ आएको थियो ।

उपचारका क्रममा बुढाथोकीको दुई पटक प्लाज्मा थेरापी गरिएको उनले बताए । १० पटकसम्म रेम्डिसिभिर प्रयोग गरिएको थियो । ‘रेम्डिसिभिर सामान्यतया ६ पटक प्रयोग हुन्छ,’ उनले भने, ‘ अवस्था जटिल बनेपछि सुधार गर्न सकिन्छ की भनेर १० पटक रेम्डिसिभिर प्रयोग गरियो, तर उहाँलाई बचाउन सकिएन ।’

दीर्घकालीन स्वास्थ्य समस्या पनि नभएका बुढाथोकीको संक्रमणपछि फोक्सोमा समस्या देखिएको थियो । उनका अनुसार अस्पताल भर्ना हुनअघि नै बुढाथोकीलाई टाइफाइटको समस्या थियो ।

उनको विराटनगरस्थित परोपकार घाटमा मंगलबार धार्मिक संस्कार अनुसार अन्त्येष्टिको तयारी भइरहेको सशस्त्र प्रहरीले जनाएको छ । उनी अविवाहित हुन् ।

अस्पतालपछि घरमै आराम गरिरहेका थिए राई

यसैगरी मोरङको तत्कालीन पथरी गाउँ विकास समिति अध्यक्ष तिलक वान्तवा राईको मंगलबार बिहान मृत्यु भएको देवले जानकारी दिए । पथरी शनिश्चरे नगरपालिका–१ घर भएका राईलाई २१ कात्तिकमा कोरोना पोजेटिभ देखिएको थियो ।

पोजेटिभ देखिएपछि उनलाई वीपी कोइराला स्वास्थ्य विज्ञान प्रतिष्ठान धरान लगिएको थियो । धरानमा उपचारक क्रममा स्वास्थ्यमा केही सुधार भएपछि घर आएर आराम गरिरहेका थिए । तर एक्कासी पुनः श्वासप्रश्वासमा समस्या देखिएपछि विराट मेडिकल कलेजमा ल्याइएको थियो । भेन्टिलेटरमा राखेर उपचार गर्ने क्रममा उनको मृत्यु भएको हो ।

२०४९ सालको स्थानीय निर्वाचनमा पथरी गाविस अध्यक्षमा निर्वाचित भएका राई सामाजिक गतिविधिमा सक्रिय थिए ।

उनी पथरीशनिश्चरे नगरपालिकाको पहिलो सहकारी संस्था मनकामना सहकारीका संस्थापक अध्यक्ष हुन् । उनी पञ्चायत माध्यमिक विद्यालय व्यवस्थापन समितिको पूर्व अध्यक्ष पनि हुन् ।

भर्खरै प्रकाशित

घुम्न जाउ प्यारीकोट

नारायण बिबश    दाङमा धेरै प्राकृतिक सम्पदा भए पनि कतिपय सम्पदाहरू प्रचार प्रसारको अभावमा ओझेलमा परेकाछन् । यस्तै ओझेलमा परेको प्राकृतिक सम्पदा हो प्यारीकोट ।…

विद्यार्थीहरुले कक्षा १२ को परिक्षा घरबाटै दिन पाउने

काठमाण्डौ, १३ साउन । कक्षा १२ को परीक्षा होम सेन्टरबाटै हुने भएको छ । कोरोना भाइरसको संक्रमणको जोखिमलाई ख्याल गरेर यस पटक होमसेन्टरबाटै परीक्षा लिने…

सांसद पदमा पुनर्बहालीको माग गर्दै चार पूर्वमाओवादी नेताद्वारा सर्वोच्चमा रिट…

काठमाडौं । नेकपा माओवादी केन्द्रबाट एमाले प्रवेश गरेका चार नेताले सांसद पदमा पुनर्बहालीको माग गर्दै सर्वोच्च अदालतमा रिट दायर गरेका छन् । नेताहरु टोपबहादुर रायमाझी,…

किसानहरुलाई ५० प्रतिशत अनुदानमा मिनीपावर टिलर र कम्बाईङ्ग मिल

दिप्तीशिखा चौधरी दंगीशरण, १३-साउन । दंगीशरण गाउँपालिकाको कृषिशाखाले दंगीशरणका सहकारी , कृषि समुह र फर्महरुलाई मिनीपावर टिलर र कुटानी पिसानीमिलका लागि (कम्बाईङ्गमिल) वितरण गरेको छ…

जसपाको हेडकाउन्टः यादव पक्ष ३४, ठाकुर पक्ष १६, तटस्थ १

काठमाडौं, ११ साउन । जनता समाजवादी पार्टीको विवादमा निर्वाचन आयोगले कार्यकारिणी समितिका सदस्यहरुलाई सनाखतका लागि बोलाएकोमा अध्यक्ष उपेन्द्र यादव पक्षमा ३४ जना पुगेका छन् ।…