सालभौरी स्कुलमा तीसगते हुने निर्वाचनका लागि चुनाव चिन्ह प्रदान

शिवु खनाल
देउखुरी, २६ मंसिर
मंसिर ३० गते हुने साधारण नमूना माध्यमिक विद्यालयको विद्यालय व्यवस्थापन समितिको निर्वाचन अन्तरगत गठबन्धन, नेकपा एमाले, राष्ट्रि जनमोर्चा पार्टी र स्वतन्त्रबाट मनोनयन दर्ता गराएका छन् । मंगलवार निर्वाचन कार्यालयले तोकेको १० ः ३० देखि १२ ः ३० बजेसम्मको समय सीमा भित्र विभिन्न दलले मनोनय दर्ता गराएको निर्वाचन अधिकृत केशव लम्सालले जानकारी दिनुभयो । उहाँका अनुसार मनोनयन दर्ता पछि २ बजेसम्म नामावाली प्रकाशन, दुई ः ४० बजेसम्म दावी विरोध, २ः ४५ बजेसम्म उम्मेदवारको अन्तिम नामावाली प्रकाशन र उम्मेदवारहरुलाई निर्वाचमा होमीनका लागि ३ बजे चुनाव चिन्ह प्रदान गरिएको छ ।

निर्वाचनको लागि गठबन्धनको तर्फबाट सदस्य पदका लागि सुरेश चौधरीले मनोनयन दर्ता गराउनु भएको हो । निर्वाचन कार्यालयले उहाँलाई चुनाव चिन्ह सरस्वती देवी, त्यसैगरी मनोनय दार्तापछि पुष्पा भण्डारीलाई चुनाव चिन्ह हात्ती, मान्ति कुमारी यादवलाई चुनाव चिन्ह किताब र धनविर चौधरीलाई चुनाव चिन्ह डाँफे निर्वाचन कार्यालयले प्रदान निर्वाचन कार्यालयले जनाएको छ ।

त्यसैगरी एमालेको तर्फबाट सदस्य पदका लागि विश्राम अहिरले मनोनयन दर्ता गराउनु भएको हो । निर्वाचन कार्यालयले उहाँलाई चुवान चिन्ह बाघ, त्यसैगरी मिना भण्डारीलाई चुनाव चिन्ह साइकल, मनिषा चौधरीलाई चुनाव चिन्ह गुरासको फुल र धनश्याम चौधरीलाई चुनाव चिन्ह गाई प्रदान गरिएको हो । यस्तै राष्ट्रिय जनमोर्चाका टेकबहादुर बुढाको चुनाव चिन्ह घर र स्वतन्त्रका भुपाल वलिको चुनाव चिन्ह खसि रहेको छ ।

निर्वाचन कार्यालयका अनुसार मंसिर ३० गते हुने निर्वाचनको लागि ६ सय ३३ जना मतदाता रहेका छन् । यहीँ मंसिर तीसगते हुने निर्वाचको तिब्र रुपमा तयारी भइरहेको छ । चुनाव चिन्ह प्रदानसंगै विभिन्न दलका उम्मेदवारहरु मंसिर २७ गते विहान ५ बजेदेखि मात्रै चुनाव प्रचारप्रसारमा जुट्ने छन् ।

चुनाव प्रचारप्रसारको लागि निर्वाचन कार्यालयले विहान ५ बजेदेखि बेलुका ५ बजेसम्म गरि २९ गते बेलुकका ५ बजेसम्म मात्रै गर्न पाइने निर्वाचन कार्यालयले जनाएको छ ।।